इटालीयन क्लब युभेन्टस युइएफए च्याम्पियन्स लिगबाट बाहिरिएको छ ।
गएराति भएको खेलमा भिल्लारियलसगँ ३-० ले तथा समग्रमा ४-१ गोल अन्तरले पराजित हुँदै युभेन्टस पि–क्वाटरमाफइनलबाटै बाहिरिएको हो ।
पहिलो लेगको खेल १–१ गोलको बराबरीमा सकिएको थियो ।
बुधबार राति भएको खेलमा भिल्लारियलको जितमा जेरार्ड मोरेनो, पाउ टोरेस र एर्नाउट डानजुमाले गोल गरे ।
खेलको ७८औं मिनेटमा जेरार्ड मोरेनोले गोल गर्दै भिल्लारियललाई १-० को अग्रता दिलाए । ८५औं मिनेटमा पाउ टोरेसले सर्जी औरिएरको पासमा गोल गर्दै भिल्लारियलको अग्रता दोब्बर पारे ।
इन्ज्युरी समयको थप गरिएको दोस्रो मिनेटमा एर्नाउट डानजुमाले पेनाल्टीमा गोल गर्दै युभेन्ट्सको सहज जित पक्का गरे । दोस्रो लेगमा युभेन्ट्स दोस्रो हाफमा निरिह बन्दै लज्जास्पद हार बेहोर्दै बाहिरिन पुग्यो ।
