अनोज थारु ।
तेस्रो लक्ष्मणपुर खुल्ला फुटबल प्रतियोगिताको उपाधि बेलौलीले हात पारेको छ । विजया दशमी, शुभ दिवावली तथा छठ पर्वको अवसरमा आयोजित तेस्रो लक्ष्मणपुर फुटबल प्रतियोगिताको प्रथम उपाधि हरियाली संरक्षक विकास युवा क्लव बेलौलीले हात पारेको हो । असोज २६ गते देखी कार्तिक ४ गते सम्म बेलटारी युवा क्लव बाँसगढी लक्ष्मणपुरको आयोजनामा भएको फुटबल प्रतियोगितामा आयोजक लक्ष्मणपुर युवा क्लवलाई ० का विरुद्ध १ गोल अन्तरले हराउदै ५१ हजार पुरुस्कार राशीको प्रथम उपाधि बेलौलीले हात परेको छ ।
भने २६ हजार नगद सहित दोस्रो उपाधि आयोजक बेलटारी युवा क्लव लक्ष्मणपुरले हात परेको छ । प्रतियोगिताका बिजेता र उपबिजेतालाई नगद पुरुस्कार सहित प्रमाण पत्र समेत प्रदान गरिएको आयोजक वेलटारी युवा क्लव लक्ष्मणपुरले जनाएको छ । कला संस्कृति पर्यटन तथा खेलकुदको पहिचान, बिकास र समृद्धिमा बेलटारी युवाहरुको अभियान भन्ने मुल नाराका साथ तेश्रो लक्ष्मणपुर खुल्ला फुटबल प्रतियोगिताको आयोजना गरीएको थियो ।
९ दिन सम्म संन्चालन भएको खेलमा २३ वटा टिमले सहभागीता जनाएका थिए । फुटबल खेललाई मुख्य प्रायोजकको रुपमा बर्दिया डिष्टिलरी प्रा.ली बढैयाताल ४ बर्दियाका सञ्चालक नर बहादुर वलीले गर्नु भएको थियो । भने सह प्रायोजकको रुपमा एन्जिला किराना पसल लक्ष्मणपुरका सन्चालक सुरज थारु र बेलटारी सामुदायिक बन उपभोक्ता समुह बाँसगढी ४ र ५ लक्ष्मणपुरले गरेको थियो ।
