अनोज थारु, बैशाख १७ गते
बर्दिया जिल्ला अधिबेशनको नेकपा एमालेका केन्द्रिय अध्यक्ष तथा पुर्व प्रधानमन्त्री केपी शर्मा ओली द्धारा बिधिगत रुपमा उद्घाटन हुने भएको छ । अधिबेशनको पुर्व सन्ध्यामा आज पत्रकार सम्मेलन मार्फत सबै तयारी पुरा भएको र पार्टीका केन्द्रिय अध्यक्ष तथा पुर्व प्रधानमन्त्री केपी शर्मा ओलीले उद्घाटन गर्ने कार्यक्रम रहेको नेकपा एमाले बर्दिया जिल्ला अध्यक्ष लालबहादुर श्रेष्ठले उक्त कुराको जानकारी गराउनु भएको हो ।
सिङगो जिल्लालाई प्रतिनिधित्व हुने गरी बर्दियाको ७५ वटा वडाबाट २५ जना बराबर १ जना र ५० प्रतिशत भन्दा बढी भएमा थप १ जना सदस्य सहभागि गराउने र सहभागि मध्ये समाबेशिताको आधारमा अधिबेशनमा प्रतिनिधित्व गराउने अध्यक्ष श्रेष्ठले बताउनु भयो । 
१०औँ जिल्ला अधिबेशनमा जिल्लाभरीका करिव तीन हजार पाँच सय सदस्यहरुको उपस्थितिमा जिल्ला अधिबेशनबाट नयाँ कार्यसमिति समेत चयन गरीने जनाइएको छ । पत्रकार सम्मेलनमा पार्टीको महत्व र आवश्यताको बारेमा जानकारी गराउदै नेपाल कम्युनिष्ट पार्टी (एमाले) जिल्ला कमिटी बर्दियाका उपाध्यक्ष सालिकराम अधिकारीले स्वागत मन्तब्य राख्नु भएको थियो ।
