विन्दु चौधरी
बाँसगढी नगरपालिका–३ नम्वर वडाबाटै सामाजिक सुरक्षा भत्ता वितरण गरिएको छ । सामाजिक सुरक्षा भत्ता लिने वृद्धवृद्धा, अपांग तथा एकल महिलालाई बैंकमा गएर लामो लाइन बसेर भत्ता लिन अप्ठेरो र दुःख हुनेभएपछि वडा कार्यालयबाटै भत्ता दिने ब्यवस्था गरिएको वडाअध्यक्ष रामचन्द्र थारुले जानकारी दिनुभयो । वडा कार्यालयमै बैंकका कर्मचारी पुगेर आज पहिलो दिन २ सय ३७ जनालाई सामाजिक सुरक्षा भत्ता वितरण गरेको वडाअध्यक्ष थारुले बताउनुभयो । उहाँले भोली पनि वडाबाटै भत्ता वितरण गर्ने ब्यवस्था रहेकाले भत्ता बुझ्न छुटेका वृद्धवृद्धा, अपांग तथा एकल महिलालाई वडाकार्यालयमा उहाँले आग्रह गर्नुभएको थियो । वडाबाटै भत्ता बुझ्न पाएपछि स्थानीय वृद्धवृद्धाहरु पनि खुसी भएका छन् ।