हुम कुमार चौधरी, बैशाख २१ गते
बर्दियाको बाँसगढी बजारको सडक क्षेत्र भित्र पर्ने संरचना खाली गर्न आह्वान गरिएको छ । बाँसगढी बजारको मेड सडकको दायाँ बायाँ २५ मिटरमा रहेका सबै संरचना खाली गर्न बाँसगढी नगरपालिका ५ नं वडा कार्यालयले आह्वान गरेको हो । बजारलाई सफा सुन्दर र व्यवस्थित बनाउन सडक क्षेत्र भित्र पर्ने सबै संरचना मंगलबार देखी नै हटाउन सम्बन्धीत घर धनीहरुलाई भनेको ५ नं वडा अध्यक्ष दहवा थारुले बताउनु भयो ।
वडा अध्यक्ष दहवा थारु, वडा सदस्य, कार्यपालिका सदस्य, उद्योगबाणीज्य संघका पदाधिकारी र नगरपालिकाका अमिन सहितको टोलीले सडकको दायाँ बाँया २५ मिटर नापेर चिनो लगाउदै बिहिबार देखि हटाउन आग्रह गरेको छ । २५ मिटर दायाँ बाँयाँ संरचना घरधनिले खालि नगरी अटेर गरेको खण्डमा नगरपालिकाले आफै आएर हटाउने पनि अध्यक्ष थारुले बताउनु भयो ।
