बर्दियाको बाँसगढीमा ११ जना अपांगता भएका महिलालाई सम्मान गरिएको छ । ११३ औँ अन्तराष्ट्रिय नारी दिवसको अवसरमा बाँसगढी नगरपालिकाका बिभिन्न वडाका अपांगता भएका महिलाहरुलाई सम्मान गरिएको हो । लैगिक समानताको बलियो आधारः सृजनात्मक प्रविधिमा महिलाको पहुचको विस्तार भन्ने नाराका साथ बाँसगढी नगरपालिकाको सहयोग तथा नगर स्तरीय महिला सञ्चालको आयोजनामा भएको भएको एक कार्यक्रममा १ हजार नगद तथा दोसल्ला ओडाएर सम्मान गरिएको थियो ।
सम्मानित हुनेमा बाँसगढी १ का पुजा बस्नेत, २ का शान्ती थारु, ३ नं वडाका मंगती थारु, जितरानी थारु र गंगारानी थारु, ४ का सिता थारु, ५ नं वडाका सविना थारु, वडा नं ७ का साउनी थारु, ८ का मनसरी खत्री र ९ नं वडाबाट सिता थापालाई सम्मान गरिएको छ । नगर स्तरीय महिला संजाल बाँसगढीका संयोजक शिवकुमारी सापकोटाको अध्यक्षतामा भएको कार्यक्रममा बाँसगढी नगर उपप्रमुख इन्द्रिरा चौधरी, अधिबक्ता लक्ष्मी नेपाल, बाँसगढी ४ का वडा अध्यक्ष कृष्ण प्रसाद वास्तोला, ७ नं वडा अध्यक्ष बलिराम चौधरी, ८ नं वडा अध्यक्ष तुल प्रसाद गौतम लगायतले बोल्नु भएको थियो । कार्यक्रम पुर्व र्यालीले बाँसगढी बजार परिक्रमा गरिएको थियो ।
