कुवार ७ गते
बासगढी नगरपालिका–९ माछागढ पहाडीपुरक दुई बालक मृत अवस्थाम फेला परल बाट । डुनु जहन्क शव ग्यांग खोल्ह्वाक करिव २ किलोमिटर उत्तर राजाबन्ध्वाम आज बिहान साढे ६ वजेओर मृत अवस्थाम फेला परर्लक ९ नम्वर वडाअध्यक्ष चन्द्र बहादुर शाही जानकारी डेल ।
काल सन्झया स्कुलसे घर आख करिव ५ वजे घरसे निक्ररलक व राट लागफे घर निआईलपाछ राट् १० बजे पीडित परिवारहुक्र प्रहरीहन खबर करल रलह । इलाका प्रहरी कार्यलय मोतिपुर बासँगढीक प्रमुख प्रहरी निरिक्षक सन्तोष चन्दक अनुसार बिहान खोजी कर्ना क्रमम ग्यांग खोल्ह्वाम ९ वर्षीय विकल्प विक व ७ वर्षीया रोशन बमक शव फेला परर्लक जानकारी डेल । उहाँहुक्र खोल्ह्वाम लहैना क्रमम डुब्लक प्रारम्भिक अनुसन्धानम देखपरर्लक प्रमुख प्रहरी निरिक्षक चन्द बटोईल । उहाँहुकन्क शव बर्दिया अस्पताल गुलरियाम पोस्टमाटम कैख घर ल्यान्लक जानकारी डेल ।
