फागुन ११ गते
एकिकृत कृषि तथा पशुपन्छि विकास कार्यालय बर्दियाले जिल्लामा खोरेत रोग उन्मुलन अभियानको सुरु गरेको छ । अभियान अन्तरर्गत बर्दियाको बासँगढी नगरपालिका पशु शाखाले पनि शुरुवात गरेको छ । एकिकृत कृषि तथा पशुपन्छि विकास कार्यलय बर्दियाको आयोजना र बासँगढी नगरपालिका पशु शाखाको समन्वयमा खोरेत विरुद्धको खोप लगाएर अभियानको थालनी गरिएको हो ।
खोप लगाउनको लागि खटिएका पशु सेवा प्राविधिकहरुलाई खटिसकेको पशु शाखा बासँगढी पशु प्राविधिक धनश्याम तिवारीले बताउनुभयो । बासँगढी नगरपालिका भित्रका ९ वटै वडाका खुरपाटाँ जनावरलाई पशुमा लाग्ने खोरेत रोग उन्मुलन सम्बन्धी खोप जारी रहने र आफ्ना गाईभैसी, भेडाबाख्रालाई खोप लगाउन पशु सेवा केन्द्र बासँगढीका अधिकृत ठाकुर दयाल शाहले जानकारी दिनुभयोे ।
