बाँसगढी उद्योग वाणिज्य संघको नयाँ कार्य समितिका लागि भएको निर्वाचन सकिएको छ । नेरा मावि बाँसगढीमा विहान ८ बजे देखी ४ बजे सम्म भएको निर्वाचनमा १ हजार ३७ मत खसेको छ । १ हजार २ सय ८४ जम्मा मतदाता रहेकोमा १ हजार ३७ मत खसेको हो । नेरा मावि बाँसगढीको मतदान स्थलको ३ वटा मतदान केन्द्रबाट मतदान गर्ने व्यवस्था मिलाईएको थियो । मत पेटिका मतदान स्थलबाट बाँसगढी उद्योग वाणिज्य संघको भवनमा ल्याईएको छ । दुबै पक्षको सहमतिमा मत गणना आजै गरिने जनाईएको छ । अहिले सर्वदलिय बैठक बसिरहेको छ । उद्योग वाणिज्य संघको आगामी कार्यसमितिका लागि बद्रीनाथ बराल र नर बहादुर वली नेतृत्वको २ वटा प्यानल चुनावी प्रतिस्पर्धामा छन् ।