पौष १८, मधुर पौडेल, अनलाईन बाँसगढी
बाँसगढी नगरपालिकाको आयोजना तथा बालज्योति एकेडेमी को सहआयोजनामा खेलकुदको माहाकुम्भ चौथो मेयर कप रनिङ्ग शिल्ड प्रतियोगिता तथा राष्ट्रपति रनिंगसील्ड खेलाडी छनौट २०७८ शुरु भएको छ । बाँसगढी नगरपालिकाको वडा नं ८ स्थित रहेको नगरस्तरिय खेल मैदानमा आईतवार एक कार्यक्रमका बिच नगर प्रमुख सालिकराम अधिकारी तथा लुम्विनि प्रदेश सभा सदस्य कविराम थारुले संयुक्त रुपमा उक्त कार्यक्रमको उद्घाटन गर्नु भएको छ ।
कार्यक्रमको उद्घाटन सत्रमा बोल्दै प्रमुख अतिथि कविराम थारुले शिक्षा क्षेत्र सुदृढ गर्न खेलक्षेत्रको माध्यमले स्वास्थ्य, सक्षम नागरिक उत्पादन गर्ने सँगै देश निर्माणमा अगाढि बढ्न सकिने बताउनु भयो । यति बेला सरकार संघीयतामा गएको हुँदा ३ तहको सरकारले शिक्षा र खेलकुदलाई एक धारमा लियर अघि बढ्नु पर्ने बताउनु भयो ।
कार्यक्रममा बिशेष अतिथिको आसनवाट लुम्विनि प्रदेश सभा सदस्य भुवनेश्वर थारुले खेलकुद क्षेत्रलाई अघि बढाउन एक पालिका एक खेलमैदान निर्माणको अवधारण सहित काम गर्न आँफु लागिरहेको बताउनु भयो । उहाँले शिक्षा क्षेत्र सुधारको लागि प्रदेश सरकारले भौतिक निर्माणको लागि बजेट विनियोजन समेत गरेको जनकारी दिनु भयो ।
कार्यक्रममा नगर प्रमुख शालिकराम अधिकारीले नगर, जिल्ला, राष्ट्र हुदै अन्तराष्ट्रिय स्तरको खेलाडी उत्पादन गर्ने उद्देश्य सहित बाँसगढी नगरपालिका मेयर कप रनिंगशिल्डको आयोजना गरेको बताउनु भयो । उहाँले बताउनु भयो हाम्रो क्षेत्रवाट थुप्रै राष्ट्रिय तथा अन्तराष्ट्रिय क्षेत्रमा हाम्रा खेलाडीहरुले आफ्नो नाम तथा क्षेत्रमा बाँसगढीलाई चिनाउनु भएको छ, यस खेलले पनि थप उर्जा प्रदान गर्ने छ ।
बाँसगढी नगरपालिकाका समाजिक विकास समितिका संयोजक तथा वडा न ८ क वडा अध्यक्ष तुल प्रसाद गौतमको अध्यक्षतामा भएको कार्यक्रममा प्रमुख अतिथि प्रदेश सभा सदस्य कविराम थारु, विशिष्ट अतिथि भुवनेश्वर थारु र नगरप्रमुख शालिकराम अधिकारी रहनु भएको थियो ।
कार्यक्रमका सभापति, प्रमुख अतिथि, बिशेष अतिथिले संयुक्त रुपमा रनिङ्ग शिल्डको झण्डा सहितको बेलुन उडाएर कार्यक्रम उद्घाटन गर्नु भएको थियो ।
खेल मैदान निर्माणको लागि तथा मैदान सम्म पुग्ने जग्गा दान गर्नु हुने जग्गादाताहरुलाइ समेत सम्मान गरिएको छ । उद्घाटन कार्यक्रममा स्वागत मन्तब्य बालज्योति एकेडेमी विद्यालय व्यास्थापन समिति अध्यक्ष नवराज अधिकारीले राख्नु भएको थियो । कार्यक्रम सन्चालन सहआयोजक विद्यालयका प्रिन्सीपल जितवहादुर रोकाय ले गर्नु भएको थियो ।
कार्यक्रमा विभिन्न राजनितिक दलका प्रतिनिधि, जनप्रतिनिधि, बुद्धिजिवी, समाजसेवी, खेल प्रशिक्षक, प्रहरी, अभिभावक, शिक्षक, खेलाडी, विद्यार्थी लगाएतको सहभागिता रहेको थिय । आइतबार देखि भएको कार्यक्रम खेल २२ गते सम्म सञ्चालन हुने छ।
