माघ २४ गते
प्रहरी चोरी भएको मोटरसाइकल सहित ४ जनालाई पक्राउ गरेको छ । पक्राउ पर्नेमा, बारबर्दिया नगरपालिका २मा बस्ने विशाल थापा, त्यही ठाँउको बिक्रम विश्वकर्मा, सुरेन्द्र बि.क., सागर परियार पक्राउ परेका छन् । त्यसैगरी कार्तिक ५ गते राति बर्दियाको बारबर्दिया नगरपालिका ३ मा बैस्ने महेश चौधरीको घरबाट भे.७ प.६६२५ नम्बरको कालो कलरको १०२ सि.सि.को प्लाटिना मोटरसाईकल चोरी भएको थियो ।
मोटरसाइकल चोरी भएको जानकारी प्राप्त भएपछि मोटरसाईकल खोजतलास गर्ने क्रममा ईलाका प्रहरी कार्यालय बानियाभारबाट खटिएको प्रहरी टोलिले बिशाल थापाले चलाउदै गरेको भे.४ प.३१२४ नम्बरको मोटरसाईकल चेकजाँच गर्ने क्रममा मोटरसाईकल लेखेको नम्बर नभएर चोरी भएको भे.७ प.६६२५ नम्बरको रहेको खुलेपछि प्रहरी थापालाई नियन्त्रणमा लिएको हो ।
थापालाई नियन्त्रणमा लिएपछि सोधपुछ गर्ने क्रममा थप ३ जना लाई पक्राउ गरीएको जिल्ला प्रहरी कार्यालय बर्दियाले जनाएको छ । प्रहरीले मोटरसाइकल चोर्ने चारै जनालाई पक्राउ गरेर सम्मानित बर्दिया जिल्ला अदालत गुलरियाबाट चोरी सम्बन्धी कसुरमा म्याद थप गरेर थप अनुसन्धान कार्य अगाडी बधाएको छ ।
